Ẹ jẹ́ kí a ṣọ́’ra fún irúfẹ́ onjẹ tí a njẹ, ní àkókò yí. Nígbàtí a bá ti lé àwọn agbésùnmọ̀mí ìj’ọba Nàìjíríà kúrò l’orí ilẹ̀ wa tán, ìj’ọba Orílẹ̀-Èdè Olómìnira Tiwantiwa ti Yorùbá máa ri dá’jú wípé gbogbo ohun tí a máa máa jẹ s’ẹnu ní ilẹ̀ Yorùbá máa jẹ́ inkan tí kò l’ewu rárárárá.

Orílẹ̀-Èdè Yorùbá jẹ́ Orílẹ̀-Èdè Olómìnira ti ara rẹ̀. Gbogbo ìgbésẹ̀ tí orílẹ̀-èdè Nigerí àti àwọn gómìnà Nigeria, tí wọ́n ngbé l’orílẹ̀-èdè Yorùbá, gbogbo ẹ̀ pátápátá l’a nkójọ pọ̀ gẹ́gẹ́bí ẹ̀rí. Share on X

 

GMO Foods destroys lives. GMO its not for Africa. Africa has fertile and cultivable land and we do not need GMO introduction.

 

Ẹ má gbàgbé wípé àwọn òyìnbó amúnisìn ní ọ̀pọ̀l’ọpọ̀ ọ̀nà tí wọ́n ngbà l’ati fa ikú fún ẹni t’ó wà l’orí ilẹ̀ ayé yí; pàápàá tí ó bá tún jẹ́ aláwọ̀dúdú.

L’ara ọ̀nà tí wọ́n fi nṣe iṣẹ́ búburú yí, ni kí wọn máa gbé ay’edèrú onjẹ, l’oríṣiríṣi, sí ọjà. L’ara ìwọ̀nyí ni ohun mímu tí ó dà bí èso [fruit drink] àti èso tí a kó wọ’lé l’ati ìlú òkèèrè [imported fruit]. Bẹ́ẹ̀ náà ni a rí oríṣiríṣi onjẹ míràn, gẹ́gẹ́bí ewé’bẹ̀, tí ó jẹ́ ay’edèrú bákannà.

Wọ́n máa npe àwọn ay’edèrú irú’gbìn tàbí ẹran tàbí ohun ọ̀gbin wọ̀nyí ní “genetically modified organisms” (GMO). Nít’orí náà, tí ẹ bá ti ngbọ́ “GMO,” ay’edèrú onjẹ l’ó njẹ́ bẹ́ẹ̀.

Èyí yàtọ̀ sí àwọn ohun ọ̀gbìn, tàbí ẹran, tàbí ẹja, àti bẹ́ẹ̀ bẹ́ẹ̀ lọ, tí ó jẹ́ wípé bí Olódùmarè ṣe dá wọn ni wọ́n wà, tí àwọn oní’ṣẹ́ ibi kòì tíì sọ wọ́n di GMO.

 

GMO Foods destroys lives. GMO its not for Africa. Africa has fertile and cultivable land and we do not need GMO introduction.

 

Àwọn tí ó wà gẹ́gẹ́bí Olódùmarè ṣe dá wọn yí, ni wọ́n máa npè ní “organic.” Ó dá wa l’ojú wípé, ọ̀pọ̀l’ọpọ̀ ìgbà ni a ti máa ngbọ́ tí Màmá, Modúpẹ́ Onítirí-Abíọ́lá, ti máa nsọ fún wa wípé, àwọn nkan Orílẹ̀-Èdè Yorùbá (D.R.Y), wípé “organic” ni àwọn nkan wa máa jẹ́.

Inkan tí Màmá nsọ nípa rẹ̀ n’ìyẹn – wípé, a ò ní gba nkan ay’edèrú l’aàyè, nítorí àwọn nkan ay’edèrú wọ̀nyí máa nṣe ìpal’ara fún ọmọ ènìyàn.

Àwọn ìròyìn tí ó tún tẹ̀ wá l’ọwọ́ gbogbo, l’orí ọ̀rọ̀ yí, ni a óò máa mú wá sí etí-ìgbọ́ ọmọ ìbílẹ̀ Yorùbá.